SEXTILIA

SEXTILIA

mater Vitelliorum, probatissima nec ignobilis femina, Tacit. Hist. lo. 2. c. 64. Lucii Vitellii uxor fuit, quae ei peperit duos filios, quos eôdem annô ambos Consules, cum maiori minor in 6. menses successisset, uterque parens vidit. Alter ex his filius, Aulus Vitellius, post Othonem imperavit: cuius genituram, sive nativitatem, aut natalis horae suspectionem, a Mathematicis praedictam ita exhorruerunt parentes, ut pater magnopere contenderit, ne qua ei provincia, vivô se, committeretur: mater et missum ad legiones, et appellatum Imperatorem, pro afflicto statim lamentata sit. Vide Sueton. in Vitell. c. 3. Praedixerant Mathematici, Aulum Vitell. futurum quidem Imperatorem sed in imperio, per vim, cruciabiliter periturum.